Растрата қилган мансабдорлар 10 йилгача қамалиши мумкин
Мансаб мавқеидан фойдаланиб содир этилган ўзлаштириш ва растрата қилиш жиноятлари учун жавобгарлик кучайтирилмоқда.
Қонунчиликка киритилаётган навбатдаги муҳим ўзгартиришлар ўзлаштириш ва растрата қилиш йўли билан талон-торож қилиш жиноятлари учун жавобгарлик чораларини кучайтиришни назарда тутади.
Янги тартибга кўра, Жиноят кодексининг 167 ва 168-моддаларида назарда тутилган айрим қилмишларнинг квалификация белгилари қайта кўриб чиқилиб, уларнинг бир қисми оғирроқ жиноятлар тоифасига ўтказилмоқда.
Хусусан, мансаб мавқеини суиистеъмол қилиш ёки хизмат мавқеидан фойдаланиб содир этилган ўзлаштириш ва растрата қилиш ҳолатлари мазкур моддаларнинг оғирроқ қисмларига ўтказилиши белгиланган. Натижада бундай жиноятлар учун 10 йилгача озодликдан маҳрум қилиш жазоси қўлланилиши мумкин.
Жумладан, Жиноят кодексининг 167-моддаси иккинчи қисми “г” бандида назарда тутилган мансаб мавқеини суиистеъмол қилиш йўли билан содир этилган ўзлаштириш ёки растрата қилиш жинояти ушбу модданинг учинчи қисми “д” бандига кўчирилмоқда.
Эслатиб ўтамиз, аввалроқ нарколаборатория ташкил этганлар 10 йилгача қамалиши ҳақида хабар берилган эди.
