Швеция шарқида темир йўл қирғоғининг қулаши туфайли йўловчи поезди рельсдан чиқиб кетди, деб хабар бермоқда “Хабар 24”.
120 га яқин йўловчи эвакуация қилинди, яна уч киши жароҳат олиб, шифохонага етказилди. Ушбу линияда поездлар ҳаракати бутунлай тўхтатилди.
Маълум қилинишича, кучли ёмғир йўлларни ювиб кетган, натижада поезднинг иккита олдинги вагонлари ағдарилган. Метеорологларнинг таъкидлашича, кеча кечқурун Скандинавия осмони кучли ёмғир, шамол ва момақалдироқни олиб келган «Ганс» бўрони билан қопланди.
Швеция ва Норвегия қизил, қўшни Дания эса сариқ огоҳлантириш даражасини эълон қилди.