Сирдарё вилоятида солиқ органлари ходимининг хатти-ҳаракатлари юзасидан хизмат текшируви ўтказилди.
Аниқланишича, Янгиёр шаҳар Солиқ инспекцияси раҳбари А.Б. тадбиркор аёлга нисбатан хизмат мавқеига зид ва одоб-ахлоққа мутлақо тўғри келмайдиган хатти-ҳаракатлар содир этган. Жумладан, у узоқ вақт давомида аёлни ноўрин мазмундаги хабарлар билан безовта қилган, шунингдек, турли босим ўтказишга уринган.
Мазкур мурожаатлар асосида ҳолат ҳуқуқни муҳофаза қилувчи органлар томонидан кўриб чиқилди. Текширув натижасида мансабдор билан меҳнат шартномаси бекор қилинди. Шунингдек, тўпланган ҳужжатлар Сирдарё вилояти прокуратурасига юборилди ва Янгиёр шаҳар судида Маъмурий жавобгарлик тўғрисидаги кодекснинг тегишли моддаси бўйича иш қўзғатилди.