Таиландга отланганлар диққатига!
Қироллик мамлакатга кириш қоидаларига ўзгартириш киритди.
Таиланд туризм бошқармасининг хабар беришича, қироллик ҳукумати Test&Go тизими бўйича келувчи чет эллик сайёҳларнинг кириши тартибини ўзгартирди.
1 мартдан бошлаб иккинчи ПЗР-тест топширилиши бекор қилинди. Бунинг ўрнига антигенларга экспресс-тест топширилади.
Бундан ташқари, чет эллик сайёҳларга суғуртани қоплаш суммаси паст бўлган суғурта билан Таиландга киришга рухсат берилди. Энди суғуртанинг қоплаш суммаси 20 000 доллардан бошланади. Олдин бу талаб 50 000 долларни ташкил этар эди.
Бошқа дастурлар билан Таиландга кириш учун олдингидек 2 та ПЗР-тест топшириш талаби сақланиб қолади.
