ТДТ юқори мансабдорлари Тошкентда йиғилди
Учрашувда Самарқанддаги саммит кун тартиби кўриб чиқилган.
Тошкент шаҳрида Туркий давлатлар ташкилоти юқори даражали мансабдор шахсларининг навбатдаги учрашуви бўлиб ўтди. Бу ҳақда “Дунё” ахборот агентлиги хабар берди.
Қайд этилишича, тадбирда аъзо ва кузатувчи давлатларнинг Ташқи ишлар вазирликларининг тегишли департамент раҳбарлари, ТДТ Котибияти ва бошқа ишчи органлари вакиллари иштирок этган.
Анжуманда Самарқанд саммити ва ТДТ Ташқи ишлар вазирлари кенгашининг навбатдаги йиғилиши кун тартиби, дастури ҳамда мазкур тадбирларга киритиладиган ҳужжатлар лойиҳалари кўриб чиқилган.
Эслатиб ўтамиз, Туркий давлатлар ташкилотнинг биринчи саммити 11 ноябрь куни Самарқанд шаҳрида ўтказилади.
