Тез ёрдам машинаси 48 ёшли аёлни уриб юборди
Ҳолат Жиззах шаҳрида содир бўлган.
Жиззах шаҳрида тез ёрдам машинаси 48 ёшли аёлни уриб юборди. Ҳолат акс этган видео ижтимоий тармоқларда тарқалди.
Унда аёл ва яна бир қиз йўлни пиёдалар йўлакчасидан кесиб ўтаётганда катта тезликда келган тез тиббий ёрдам машинаси аёлни уриб юборганини кўриш мумкин.
Вилоят ЙҲХБ матбуот хизматининг маълум қилишича, воқеа 23 май куни соат 8:30 ларда Шароф Рашидов кўчасида содир бўлган. Тез ёрдам машинаси уриб юборган пиёда 1976 йилда туғилган аёл бўлган.
У оғир тан жароҳатлари билан Республика шошилинч тез тиббий ёрдам илмий маркази Жиззах вилояти филиалининг жонлантириш бўлимига ётқизилган.
