Соғлиқни сақлаш вазири Амрилло Иноятов тиббиёт йўналишига ўқишга киришда «суперконтракт»ни бутунлай йўқотиш бўйича ҳукуматга таклиф киритилганини таъкидлади.
Амрилло Иноятовнинг сўзларига кўра, вазир тиббиёт йўналишидаги «суперконтракт» масаласида фикри ижобий эмас, шунингдек, тиббиёт соҳасида сиртқи таълимни очиш ҳам режалаштирилмаяпти. Бундан ташқари, вазирнинг сўзларига кўра, тиббиёт йўналишида таълим олувчи талабалар эндиликда икки босқичда имтиҳон топширади.
Унга кўра, талаба учинчи курс тугаганидан кейин фундаментал фанлар бўйича биринчи имтиҳонни топширади. Ушбу имтиҳонни ўша олий таълим муассасаси ўқитувчилари эмас, умуман бошқа ташкилот вакиллари олади. Фундаментал фанлар имтиҳонидан ўтган талаба 4−5−6-курсларда клиник фанлар бўйича ўқитилади ва кейин иккинчи марта имтиҳон топширади. Талабанинг ҳам фундаментал, ҳам клиник фанларни тўлиқ халқаро даражада эгаллаганидан кейин ишлашига рухсат берилади