Тошкентда ҳаво ифлосланиши даражаси кескин ошди. IQAir платформаси маълумотига кўра, шаҳарда ПМ2.5 заррачалари концентрацияси 118 мкг/м³ ни ташкил этган. Бу кўрсаткич ЖССТ тавсия этган меъёрдан 23,6 баробар юқори.
Шунингдек, бугун Тошкент дунё бўйича энг ифлос ҳавога эга учта шаҳар қаторига кирди.
Мутахассислар фуқароларга иложи борича кўчага кам чиқишни, жамоат жойларида ҳимоя ниқобларидан фойдаланишни ҳамда деразаларни ёпиқ сақлашни тавсия қилмоқда.