Бош прокуратура ҳузуридаги Мажбурий ижро бюроси Шайхонтоҳур тумани бўлими депозит бўйича мутахассиси лавозимида ишлаб келган М.Б., ўтган йилнинг март ойида қарздор томонидан ортиқча тўлаб юборилган 46 млн сўм пулларни 2023 йилнинг июнь ойига қадар жиянининг пластик картасига ўтказишга эришиб, ушбу маблағларни ўзлаштириш йўли билан талон-торож қилган.
Бундан ташқари М.Б. ўтган йилнинг июль ойидан декабрь ойига қадар ишлаб келиб, ўзининг жияни 2004 йилда туғилган Ю.Т. ва бошқалар билан олдиндан тил бириктириб, иш юритувида ижро ҳужжатлари мавжуд бўлмаган 13 нафар фуқароларнинг пластик карталарига 932 млн сўмдан ортиқ маблағларни ўтказишга эришган. Судланувчи ушбу пулларни электрон қимор ўйинларига тикиб юборган ва ўзининг шахсий эҳтиёжларига сарфлаб юборган.
Суд ҳукмига кўра, судланувчи М.Б.га 6 йил 6 ой муддатга озодликдан маҳрум қилиш жазоси тайинланди.