Трамп махфий ҳужжатларни сақлашга тўлиқ ҳуқуқи борлигини айтди
Трампга судни гаров пулисиз тарк этишга рухсат берилди.
АҚШнинг собиқ президенти Доналд Трамп Маямидаги федерал суд биносида ҳибсга олинди ва махфий ҳужжатлар билан нотўғри ишлашда айбланиб, судга тортилди. Бу ҳақда CNN хабар бермоқда.
Бу судья томонидан айблов эълон қилинишидан олдинги расмий жараён, шунинг учун собиқ президентнинг қўлига кишан солинмаган, дея таъкидлаган телеканал.
Ўз айбига иқрор бўлиш Трампга прокуратура билан келишувга эришиш ва енгилроқ жазога тортилиш имконини берар эди. Бироқ у Маями судида махфий ҳужжатлар билан нотўғри ишлашда айбдор эмаслигини айтган.
Трамп ўз айбига иқрор бўлмагани учун иш қайтадан кўриб чиқиладиган бўлди.
Флорида жанубий округи судининг электрон маълумотлар базасига жойлаштирилган айблов хулосасига кўра, АҚШ ҳуқуқ-тартибот идоралари Трамп ва унинг ёрдамчиси Уолт Наутага 38 Та банд бўйича айблов қўйган.
Эслатиб ўтамиз, АҚШнинг собиқ президенти жорий йилнинг 4 апрель кунида ҳам ҳибсга олинган эди.
