Трамп Оқ уйда катта матбуот анжумани ўтказади
Анжуман Тошкент вақти билан 19:00 да бошланади.
АҚШ президенти Доналд Трамп 8 май куни Оқ уйнинг Овал кабинетида йирик савдо келишуви муносабати билан катта матбуот анжумани ўтказишини эълон қилди. У бу ҳақда ўзининг Truth Social саҳифасида ёзган. Бироқ айнан қайси мамлакат билан шартнома тузилгани бўйича аниқ маълумот берилмаган.
Трампнинг сўзларига кўра, матбуот анжумани эрталаб соат 10:00 да (Тошкент вақти билан 19:00) бўлиб ўтади. Тадбирда АҚШ раҳбари “катта ва жуда ҳурматли мамлакат” вакиллари билан бирга иштирок этади.
RIA Novosti хабарига кўра, бу битим АҚШнинг жорий савдо сиёсатидаги биринчи катта қадамларидан бири сифатида баҳоланмоқда. Таҳлилчилар ушбу келишув тафсилотларини Трамп матбуот анжуманида эълон қилиши кутилаётганини айтмоқда.
