Доналд Трамп Украина ўзининг тарихий чегаралари доирасида ҳудудий яхлитлигини тиклаш салоҳиятига эга эканини таъкидлади.
Давлат раҳбарининг қайд этишича, Россиянинг уч ярим йилдан бери давом этаётган ҳарбий ҳаракатлари маъносиз урушга айланган ва мамлакат иқтисодиёти жиддий қийинчиликларга дуч келмоқда.
“Украина европа Иттифоқи кўмаги билан ўзининг бутун ҳудудини қайтариб олиш имкониятига эга. Россия аҳолиси ва иқтисодиётидаги мавжуд муаммолар, энергия тақчиллиги ҳамда урушнинг оқибатлари буни янада яққол кўрсатмоқда. Украина ўзининг мустаҳкам иродаси ва халқаро ҳамкорларнинг қўллаб-қувватлаши билан мамлакатини тиклашга қодир”, — дея таъкидлади Доналд Трамп.
Шу билан бирга, АҚШ Президенти Владимир Путин катта иқтисодий қийинчиликларга дуч келаётгани ва айнан ҳозир Украина учун фаол ҳаракат қилиш даври эканини қайд этди.
Трамп, шунингдек, НАТОни зарур қурол-яроғ билан таъминлаш давом эттирилишини билдирган.