Туркманистон Президенти Ўзбекистонни дўстона ва биродарлик билан қўллаб-қувватлаш мақсадида суюлтирилган газни Ўзбекистонга бепул ўтказиш бўйича фармон имзолади.
Фармон билан "Туркмангаз" давлат концернига тегишли ҳажмдаги суюлтирилган газни Ўзбекистонга ўтказиш топширилган. Хабарда айнан қанча ҳажмда газ ўтказилиши ҳақида маълумот берилмаган.
Маълумот ўрнида, ўтган йилнинг декабрь ойида Ўзбекистонда кузатилган газ билан боғлиқ муаммолар вақтида Туркманистон Ўзбекистонга 3 ойда жами 1,5 млрд куб метр табиий газ бериши юзасидан икки мамлакат ўртасида шартнома имзоланганди.
Бироқ мамлакат совуқ об-ҳаво туфайли юзага келган техник сабабларга кўра 12 январдан бошлаб Ўзбекистонга табиий газ экспортини вақтинча тўхтатишга мажбур бўлган ва 21 январда қайта тиклаган.