Украина еврога ўтиш масаласини кўриб чиқмоқда
Жараён ҳар томонлама сифатли тайёргарликни талаб қилади.
Украина Миллий банки раҳбари Андрей Пишний мамлакат базавий валюта сифатида АҚШ долларидан воз кечиб, еврога ўтиш имконини ўрганишни бошлаганини маълум қилди. Бу қарор глобал савдо занжирларининг парчаланганлиги ва Украина билан Европа ўртасидаги алоқаларнинг мустаҳкамланиши фонида кўриб чиқилмоқда.
Реутерс маълумотларига кўра, бундай жараён мураккаб бўлиб, ҳар томонлама сифатли тайёргарликни талаб қилади. Пишнийнинг сўзларига кўра, ҳозирча Украина валюта бозорида долларнинг улуши устун бўлиб қолмоқда, бироқ кўплаб сегментларда евро билан операциялар улуши босқичма-босқич ошиб бормоқда.
Мутахассислар фикрича, агар Украина бу ўзгаришни амалга оширса, у молия бозорларига таъсир қилиши ва Европа Иттифоқи билан иқтисодий интеграцияни кучайтириши мумкин. Шу билан бирга, бу жараён бир неча йил давом этиши ва эҳтиёткорлик билан амалга оширилиши кутилмоқда.
