Бутунжаҳон таэквондо федерацияси (WT) 2024 йилнинг энг яхшиларини аниқлаш учун спортчилар ва мураббийларнинг овоз бериш натижаларини эълон қилди.
Овоз бериш натижаларига кўра, йилнинг энг яхши эркак спортчиси номинациясида миллий терма жамоа аъзоси, икки карра Олимпия ўйинлари ғолиби Улуғбек Рашитов ғолиб бўлди.
Тақдирлаш маросими бугун Гонконгда давом этаётган пумсе бўйича Жаҳон чемпионати доирасида бўлиб ўтди. Унда чемпионимиз — Улуғбек Рашитов ҳам иштирок этиб, Бутунжаҳон таэквондо федерацияси бош котиби Сео Жеонгкангдан ўз совринини қабул қилиб олди.
Таъкидлаш лозим, бу ўзбек таэквондосининг Янги Ўзбекистонга келтирган янги ғалабасига айланди. Боиси, бунга қадар юқори натижаларга эришган спортчиларимиз дунё миқёсида эътироф этилмаган эди.