Авиакомпания матбуот хизматининг маълум қилишича, 2022 йил 30 мартдан бошлаб “Шарқий” хаб лойиҳаси доирасида “Uzbekistan airways” АЖ Наманган – Олмаота – Наманган янги халқаро йўналиши бўйича мунтазам авиақатновларни йўлга қўяди. Парвозлар ҳафтада икки марта чоршанба ва шанба кунлари амалга оширилади.
Йўловчилар чипталарни авиакомпаниянинг расмий сайтидан, “Uzbekistan airways Sales” филиалидан ёки авиакомпания агентларидан харид қилиб олиш мумкин.
Аввалроқ "Uzbekistan Airports" хорижий авиакомпаниялар учун тарифларни пасайтиргани хабар қилинганди.