Владимирлар Туркияга бормоқчи
Путин ва Зеленскийнинг ташрифи Туркия президенти инаугурациясидан кейинга режалаштирилган.
"Hurriyet" нашрининг маълум қилишича, Зеленский ва Путин Эрдоған инаугурациясидан кейин Туркияга ташриф буюришади.
Нашр маълумотларига кўра, Туркиянинг қайта сайланган президенти Ражаб Тоййиб Эрдоғаннинг 3 июнь куни бўлиб ўтадиган инаугурациясидан сўнг Владимир Путин ва Зеленский ўз навбатида Анқарага ташриф буюришади.
Манбаларда айтилишича, аввалига Путин Туркияга учади, кейин эса Зеленский ташриф буюради. Эрдоған билан музокараларнинг асосий мавзулари Украинадаги уруш ва “дон келишуви” бўлиши кутилмоқда.
