Нaвоийда радиактив модда сотувчи шахслар қўлга олинди
Улар ўз “маҳсулотлари”ни 50 минг доллардан пуллаб келишган.
4 март куни вилоят ИИБ бошлиғи номига Навбаҳор туманида яшовчи фуқаролар томонидан “Қизил симоб” ва “Радий” моддаларининг 50 минг доллардан сотилаётгани бўйича ариза келиб тушган.
Аризага биноан тегишли ташкилотлар томонидан 5 март куни туманнинг “Қалқонота” МФЙ ҳудудида тезкор тадбир ўтказилган. Шартли равишда харидор сифатида жалб этилган фуқаро гумонланувчиларга 50 минг доллар миқдорида пулларни бериб, улардан “Radiy Rа 226 02 5” ёзувли 1 дона шиша ичига жойлаштирилган 250 грамм радиоактив моддани олган вақтида далилий ашёлар билан қўлга олинган.
Ҳозирда ушбу ҳолат юзасидан Жиноят кодексининг 252-моддаси 2-қисми “б” банди билан жиноят иши қўзғатилган.
