Хитой биз томонда бўлиши истардим—Зеленский
Украина президенти руслар аввалгидек кучли эмаслигини айтди.
Бу ҳафта Россиядан ҳужум кутилмоқда, лекин руслар энди бир йил олдингидек кучли эмас, дейди Украина президенти Владимир Зеленский.
Мамлакатимизни босиб олиш учун ресурслар бугун заифлашди, биз эса кучлироқ бўлдик. Бундан ташқари, улар бизнинг аскарлар каби бир хил мотивацияга эга эмаслар. Руслар Бахмут уларга Славянск ва Краматорскка йўл очишини яхши билишади. Руслар олган Бахмут каби ҳар бир кичик шаҳар уларни катта шаҳарларга яқинлаштиради. Биз йўқотган шаҳар руслар учун олға қадам дегани. Ҳозир билганимиздек, улар Донецк ва Луганск вилоятларининг маъмурий чегараларига етиб боришни исташади.
Шунингдек, президент Хитой мавзусидаги саволларга ҳам жавоб берди.
“Хитой масаласи ниҳоятда мураккаб. Хитой бу урушда Россия Федерациясини қўллаб-қувватламаслиги биз учун муҳим. Аслида мен унинг биз томонда бўлишини истардим. Бироқ бу мумкин эмас деб ўйлайман. Лекин мен Хитойнинг бу ерда содир бўлаётган воқеаларга прагматик баҳо бериш имкониятини кўрмоқдаман, чунки Хитой Россия билан иттифоқ тузса, жаҳон уруши бошланарди ва менимча, Хитой бундан хабардор”, — дейди у.
