Хивада 7-10 сентябрь кунлари халқаро этноспорт фестивали бўлиб ўтади. Спортчилар орасида Ўзбекистон, Қозоғистон, Қирғизистон, Тожикистон, Туркманистон, Озарбайжон, Миср, Россия, Беларус, Эрон, Покистон, Исроил, Ҳиндистон, Жанубий Корея, Канада, Грузия вакиллари бор.
Бугун халқаро фестиваль бошланди, дея хабар берди Ёшлар сиёсати ва спорт вазирлиги. Унда иштирок этаётган спортчилар бир қатор спорт турлари бўйича ўзаро куч синашади.
63 давлатдан 1800 дан ортиқ спортчи иштирок этиши кўзда тутилган бўлиб, улар оммавий кураш, баҳодирлар ўйинлари, тош кўтариш, камондан отиш, белбоғли кураш, улоқ-кўпкари ва бошқа спорт турлари бўйича ўзаро куч синашади.
Хусусан, Ўзбекистон Миллий гвардияси фестивалда от спорти ўйинлари ҳамда камондан отиш спорт тури бўйича маҳорат дарсларини намойиш этмоқда.