Украина президенти Владимир Зеленский яқин орада АҚШ президенти Доналд Трамп билан учрашишни режалаштираётганини маълум қилди.
Зеленский ўзининг Telegram каналида шундай ёзди:
«Биз бир кунни ҳам беҳуда сарфламаяпмиз. Яқин келажакда Президент Трамп билан юқори даражадаги учрашувга келишиб олдик. Янги йилгача кўп нарса ҳал қилиниши мумкин».
Аввалроқ, Украина раҳбари АҚШ махсус вакили Стив Виткофф ва Трампнинг маслаҳатчиси Жаред Кушнер билан телефон орқали «жуда яхши» суҳбат ўтказганини билдирган. У муҳокама давомида айрим муҳим тафсилотлар кўриб чиқилганини ҳамда узоқ муддатли тинчликка эришишга хизмат қиладиган самарали ғоялар мавжудлигини таъкидлаган.