ЕИ Суриядаги дипломатик ваколатхонасини қайта очишга тайёр
Бу ҳақида Европа Иттифоқи дипломатик департаменти раҳбари Кая Каллас маълум қилди.
"Сурияда “вакуум” қолмаслиги керак, у ерда Европа Иттифоқининг мавжудлиги зарур", — деди Кая Каллас.
Унинг сўзларига кўра, Европа Иттифоқининг Сурия бўйича элчиси Михаэл Онмахт яқинда мамлакатнинг янги раҳбарияти билан “биринчи алоқаларни” ўрнатган.
Калласнинг фикрича, тўлиқ мулоқот шарти Сурияни Россия ҳарбий базаларидан тозалаш бўлиши керак. Ушбу объектлар орқали Россия Африка ва “Глобал жанубдаги” бошқа мамлакатларда фаолият юритмоқда. Бу эса "Европа хавфсизлиги учун ҳам ташвиш уйғотади", дея қўшимча қилди Каллас.
