Ўзбек адабиётининг ёрқин намояндаси Пиримқул Қодировнинг “Юлдузли тунлар” романи таржимон Хисако Ямагучи томонидан япон тилига таржима қилинди.
Роман Ўзбекистон ва Япония ўртасида дипломатик алоқалар ўрнатилганлигининг 30 йиллик юбилейи доирасида ҳамда Ўзбек тили байрами куни арафасида нашр этилган.
Пиримқул Қодировнинг ушбу романи Японияда Ўзбекистон маданияти ва тарихи ҳақида япон ҳамжамиятининг тасаввурини янада бойишига хизмат қилади, икки халқ ўртасидаги дўстлик ришталари ва маданий алоқаларни изчил ривожлантиришга ҳисса бўлиб қўшилади.
Маълумот учун: “Юлдузли тунлар” асарида Заҳириддин Муҳаммад Бобур ҳаёти ҳақида сўз боради. П.Қодиров мазкур роман устида ўн йил (1969-1978) иш олиб борган. “Юлдузли тунлар”га “Бобурнома” ва “Ҳумоюннома” асарлари асос бўлиб хизмат қилган.