Ўзбекистонда баъзи карантин чекловлари бекор қилинмоқда
Бу айрим давлатлардан юртимизга кириб келувчи йўловчилар билан боғлиқ.
Айрим давлатлардан юртимизга кириб келувчи йўловчиларни карантинга жойлаштириш тартиби бекор қилинмоқда. Бу ҳақда Соғлиқни сақлаш вазирлиги хабар берди.
Таъкидланишича, Ўзбекистонга коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссиясининг 2021 йил 30 ноябрдаги 90-сон баёнининг айрим-бандларида белгиланган қуйидаги чеклов ва талаблар бекор қилинмоқда:
📌Жанубий Африка Республикаси, Ботсвана, Намибия, Зимбабве, Мозамбик, Мадагаскар, Лесото, Эсватини, Танзания ва Гонконгдан халқаро авиақатновларни (кириш, чиқиш ва транзит рейслар орқали республика ҳудудига кириш) тўхтатиш;
📌мазкур давлатларда сўнгги 14 кун давомида бўлган учинчи давлат фуқароларини Ўзбекистон Республикаси ҳудудига киритилмаслик;
📌Австралия, Австрия, Бельгия, Буюк Британия, Германия, Дания, Исроил, Италия, Нидерландия, Чехия ва Миср давлатлари ҳудудидан Ўзбекистон Республикаси ҳудудига кириб келувчи йўловчиларнинг Ўзбекистон Республикаси ҳудудига кириб келган кундан эътиборан 10 кун давомида мажбурий уй карантини ёки уларни ўз ҳисобларидан меҳмонхонага карантинга жойлаштириш тартиби бекор қилинмоқда.
