Зеленский офиси: Украина Ғарбдан оғир техника олишни бошлади
Ҳозирда қадар Киев иттифоқчилари ва халқаро ташкилотлар томонидан 150 миллиард долларлик ёрдам кўрсатилган бўлиб, уларнинг учдан бир қисми ҳарбий мақсадларда сарфланган.
Украина Ғарбдан оғир техника олишни бошлади. Бу ҳақда Владимир Зеленский офиси раҳбари Андрей Ермак маълум қилди.
"Иттифоқчилар билан ҳамкорлигимиз давом этмоқда. Шуни айта оламанки, биз оғир техника олишни бошладик", — деган у.
ОАВ маълумотларига кўра, Украина 2022 йил 24 февралдан буён 150,8 миллиард долларлик ёрдам олди. Уларнинг учдан бир қисми — 48.5 миллиард доллар ҳарбий мақсадларда сарфланган.
АҚШ, Буюк Британия ва ЕИ ҳарбий ёрдам кўрсатиш бўйича етакчи бўлиб турибди.
