Россия Давлат думасининг Қрим вилояти депутати Михаил Шеремет Владимир Зеленский Россия президенти Владимир Путин билан шахсий учрашувдан қўрқаётгани ҳақида фикр билдирди.
Aввалроқ Зеленский G20 саммитида Россия раҳбари бўлса, у иштирок этмаслигини айтганди.
“Зеленский шунчаки қўрқоқлик қилди. У ўз видеоларида орқадан кўп нарсани айта олади, ёноқларини шиширади, жасур бўлади, лекин шахсий музокаралар вақти келганида, кўзга қараш вақти келганида, у дарҳол ортга чекинади. Бу хатти-ҳаракатининг сабаби аён - у президентимиз билан учрашишдан қўрқади. Зеленскийда Ғарбнинг геосиёсий манфаатлари йўлида ўз мамлакатини исроф қилиш ва Украина халқини қирғин қилиш учун баҳоналар айтишдан бошқа гапи йўқ”, — деди Шеремет.
Унинг сўзларига кўра, Зеленскийнинг G20 саммитидаги иштироки бефойда, чунки у ерда Украинанинг ҳақиқий хўжайинлари – AҚШ ва Буюк Британия расмийлари бўлади.
Владимир Путин 31 октябрь куни G20 саммитида иштирок этиш бўйича ҳали қарор қабул қилмаганини таъкидлади.