Зеленский Россия билан музокара ўтказиши мумкин
У Москвани тинчлик саммитига таклиф қилишга чақирган.
CNN нашри Украина раҳбарининг баёнотлари ва қарорларини таҳлил қилиб, унинг музокараларга тайёрлиги ҳақидаги хулосага келди.
Журналистларнинг фикрича, Украина икки томонлама зарбага — фронтдаги қийин вазият ва сиёсий ноаниқликка дуч келган. Бир томондан, Россия анча секинроқ бўлса-да, ҳудудни эгаллаб олишда давом этмоқда. Бошқа томондан, АҚШ ва Германиянинг Украинага ресурсларни етказиб беришни давом эттиришга тайёрлиги ҳақида саволлар пайдо бўлмоқда.
Зеленский шу ҳафтада ҳозирги қўллаб-қувватлаш даражаси Россия ютуқларини ушлаб туриш учун етарли эканлигини, аммо урушда ғалаба қозонмаслигини айтди. У Москвани ноябрь ойида ўтказилиши режалаштирилган навбатдаги тинчлик саммитига делегация юборишни таклиф қилди.
Шу билан бирга, Владимир Путин Украина билан музокаралар олиб боришга тайёрлигини тобора кўпроқ айта бошлади, шунга қарамай, унинг очиқ эълон қилинган шартлари Украина ва унинг Ғарб иттифоқчилари чун мутлақо номақбул бўлиб қолмоқда, дейилади хабарда.
