Зилзила оқибатида Сурияда эпидемия бошланиши мумкин
ЮНИСЕФ сурияликлар учун энг муҳим эҳтиёжларни маълум қилди.
Зилзиладан сўнг Сурия халқи биринчи навбатда ичимлик суви ва озиқ-овқатга эҳтиёж сезмоқда. Бу ҳақда ЮНИСЕФ’нинг Яқин Шарқ ва Шимолий Африка минтақавий бўлими раиси Аммар Аммар маълум қилди.
“Агар ҳозирнинг ўзида чоралар кўрилмаса, миллионлаб одамларга дахл қиладиган эпидемия пайдо бўлиш хавфи бор”, – деган у.
Эслатиб ўтамиз, 6 февраль куни Туркия ва Сурияда 7.8 балли зилзила юз берди. ҳозирда икки давлатда жами 23 мингдан ортиқ инсон ҳалок бўлган.
БМТ бош котиби расмий вакили Стефан Дюжаррик Суриядаги вазиятни ҳалокатли деб атаган.
