Анталия ваъдаси ортидаги жиноят: икки қиз хорижга олиб кетилаётганда тўхтатилди
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Наманган вилояти Давлатобод туманида яшовчи 1990 ва 1993-йилларда туғилган икки нафар аёл икки қизни Туркиянинг Анталия шаҳрига фоҳишалик билан шуғулланиш учун юборишни режалаштиргани аниқланди.
Маълум қилинишича, аёллар қизларнинг ишончига кириб, уларни “Тошкент–Анталия” йўналиши бўйича хорижга жўнатишни, у ерда топадиган даромадларининг ярмини эса ўзлаштиришни кўзлаган.
Улар қизларни Тошкент аэропортига олиб кетаётган вақтида Давлат хавфсизлик хизмати ва ички ишлар органлари ходимлари томонидан Чуст тумани ҳудудида тўхтатиб қолинган.
Ҳолат юзасидан икки аёлга нисбатан жиноят иши қўзғатилиб, тергов ҳаракатлари олиб борилмоқда.
Шунингдек, 1990-йилда туғилган аёл аввал ҳам шу турдаги жиноятни содир этгани учун судлангани маълум қилинди.
