Bugun Saudiya Arabistonida haj safari boshlanadi
Ziyorat koronavirus tarqalishining oldini olish maqsadida qatʼiy cheklovlar bilan amalga oshadi.
Ketma-ket ikki yildan beri pandemiya tufayli haj ziyoratida boshqa davlat fuqarolari ishtirok eta olmayapti.
Haj va umra bo‘yicha vazirlik farmoniga ko‘ra, tadbirlarda qirollikning 18 yoshdan 65 yoshgacha bo‘lgan va mamlakatda maʼqullangan vaksinani qabul qilgan 60 ming fuqarosi qatnashadi.
Bu yil ziyoratchilar soni o‘tgan yilgidan ko‘proq. O‘tgan yili 10 ming kishi haj ziyoratini amalga oshirgan edi. Pandemiyadan oldin butun dunyodan millionlab musulmonlar ziyoratga kelar edi.
Qirollik hukumati koronavirusga qarshi yangi choralar tufayli 2020 yilgidek zararlanishning yangi o‘chog‘i hosil bo‘lmasligiga umid qilmoqda.
Odatiy sanitar qoidalardan tashqari bu yil ziyoratchilarga mehmonxonaga borish, avtobuslardan foydalanish, ovqat buyurtirish va diniy marosim obyektlariga kirishi uchun smart-kartalar tarqatildi.
Bundan tashqari, Masjidul Haramga kiraverishda o‘rnatilgan robotlar ularga zamzam suvlari solingan idishlarni tarqatadi.
Asosiy cheklov Kaʼbani tavof qilish bilan bog‘liq bo‘ladi: o‘tgan yilgidek, ziyoratchilarga toshga tegish taʼqiqlab qo‘yildi.
Saudiya Arabistonida zayoratchilar uchun 2,5 mingta avtobus ajratildi va ularga shaxsiy avtomobildan foydalanish taʼqiqlab qo‘yildi. Xabar qilinishicha, chorshanba kunidan boshlab zayoratchilar maxsus mehmonxonalarga joylashtirilgan.
