Kuchli uchlikka kirganlar haqida nimalarni bilamiz

 

                   Kevin De Bruyne

 

Belgiya futbol terma jamoasi  o‘yinchisi De Bruyne bugungi kunda dunyoning eng yaxshi yarim himoyachilaridan biri sanaladi. Futbolchi o‘tgan yilgi mavsumda «shaharlik»lar bilan mamlakat chempionligini qo‘lga kiritdi. U mavsum davomida jamoasi erishgan g‘alabalarga munosib hissa qo‘shdi. Belgiyalik futbolchi o‘tgan mavsumda Angliya chempionligi bilan bir qatorda Yevropa chempionlar ligasi finaliga qadar yetib bordi. Belgiya termasi shu yil Yevropa chempionatining yarim finaliga chiqdi. Kevin De Bruyne bugungi kunda maydonni ko‘ra olish qobiliyati va tezkor qaror qabul qila olishi bilan ko‘plab futbol ishqibozlari mehrini qozongan. U taʼbir joiz bo‘lsa, «Manchester Siti»ning yuragiga aylanib ulgurdi. Futbolchi o‘tgan mavsum Angliya chempionatida 6 ta gol urdi, 12 ta golga hammualliflik qildi. Bundan tashqari jamoasining chempionlar ligasi finaligacha yetib borishida  munosib hissa qo‘shdi. 

 

                   Jorjino

 

2021/2022 yilgi mavsum ushbu futbolchi uchun juda omadli keldi. Jorjino ham terma jamoa, ham klub safida bir xil muvaffaqiyatga erishdi. «Chelsi»ga germaniyalik Tomas Tuxel bosh murabbiy bo‘lganidan so‘ng jamoa isloh qilindi. Buni yangi mavsum oldidan klub tarkibida bo‘layotgan o‘zgarishlardan ham bilish mumkin. O‘tgan mavsum Yevropa chempionlar ligasi g‘olibligini qo‘lga kiritgan «Chelsi» jamoasi safida Jorjino ham bor edi. U nafaqat London klubining chempion bo‘lishida, balki Italiya terma jamoasi Yevropa chempionligini qo‘lga kiritishida ham munosib hissa qo‘shdi. Futbolchi o‘tgan mavsum «Chelsi» tarkibida 7 ta gol urdi, bitta golli o‘zatma muallifi bo‘ldi.

 

             N‘Gola Kante

 

Futbolda insoniy xislatlari bilan muxlislar mehrini qozongan Kante ham o‘tgan mavsum «Chelsi» safida chempionlikni qo‘lga kiritdi. Final bahsida eng yaxshi futbolchilardan biri sifatida tan olindi. U “Chelsi”da maydon bo‘ylab eng ko‘p yuguradigan futbolchi hisoblanadi. Kante klub safida hujum va himoyani bog‘lash vazifasini bajaradi. Tuxel bu yilgi mavsumda ham futbolchidan yaxshi natijalarni kutmoqda.

 

Bu uchala futbolchi ham terma jamoasi, ham o‘z klubining asosiy o‘yinchilaridan hisoblanishadi. Ular bu yilgi mavsumda ham  yaxshi natijaga erishdi. Bu uch futbolchidan qaysi biri eng yaxshi bo‘lishligini 26 avgust kuni Turkiyaning Istanbul shahrida  Yevropa chempionlar ligasiga qurʼa tashlash marosimida aniqlanadi.

 

Jamshidbek Amirov