Afg‘onistonlik muxlislar Habib Nurmagomedovdan nega ranjidi?
Afg‘onistonliklar UFC sobiq chempioni Habib Nurmagomedovni mamlakatdagi bugungi holatga izoh berishdan bosh tortgani uchun tanqid qildi.
Muxlislar Nurmagomedov mamlakatdagi siyosiy vaziyat haqida o‘z fikrini bildirishi kerak edi, deb undan ranjiganini izhor qildi:
«Siz shunday paytda musulmon birodar sifatida afg‘onlar bilan birga bo‘lishingiz kerak edi, lekin biz haqimizda biron bir so‘z aytmadingiz. Bizlar musulmonmiz-ku. Afg‘onistonlik millionlab muxlislaringiz hafsalasini pir qildingiz».
18 avgust kuni Nurmagomedovdan “Match TV” jurnalisti Afg‘onistondagi vaziyat haqida so‘radi. Lekin sportchi bu borada fikr bildirishdan bosh tortdi.
Eslatib o‘tamiz, Habib Nurmagomedov yengil vazn toifasida uch marta UFC chempionligini himoya qilgan, 29 uchrashuvning barchasida g‘alaba qozongan.
Jamshid Amirov
