Menni Pakyao ringga qaytganda Yordenis Ugasga imkoniyatini qo‘ldan boy berdi
Menni Pakyao ikki yillik tanaffusdan so‘ng ringga qaytdi. Tanaffusdan so‘nggi ilk ringida mag‘lubiyatga uchradi. Kubalik Yordenis Ugas bir ovozdan qabul qilingan qaror bilan g‘alaba qozonib, WBA (super) vazn toifasida chempionlik unvonini saqlab qoldi.
Bu Pakyaoning 2019 yil iyul oyida WBA chempionlik kamari uchun Keyt Turmanni mag‘lubiyatga uchratganidan keyingi birinchi jang edi.
42 yoshli Menni Pakyao endi jang qilmasligi mumkin. Chunki ESPNga nafaqaga chiqish haqida o‘ylayotganini aytgan. Uning qaydnomasida sakkiz toifada jahon chempioni, 62 g‘alaba, sakkiz mag‘lubiyat va ikkita durang mavjud.
"Men ringda harakat qilishga qiynaldim. Oyoqlarim qattiq edi. Kechirasiz, yutqazdim. Lekin qo‘limdan kelganini qildim", — dedi bokschi jangdan so‘ng muxlisiga bergan intervyusida.
Ugas 2020 yilning sentyabr oyida WBC chempionlik kamari uchun Abel Ramosni mag‘lubiyatga uchratgan. Pakyaoni kamardan mahrum qilganidan keyin WBA super chempioni unvonini olgan.
Ugas “T-Mobilye Aryena”da 115-113, 116-112 va 116-112-uchta kartochkasida g‘alaba qozonish uchun jarima zarbasi va toza zarbasi bilan ustunlik qildi.
"Juda hayajondaman. Lekin eng muhimi, Menni Pakyaoga bugun ringda menga shunday imkoniyat bergani uchun minnatdorlik bildirmoqchiman. Bizda atigi ikki hafta mashg‘ulot bor edi. Ammo men o‘z burchimni bajardim va hammasi yaxshi bo‘ldi. Sizga WBA chempioni ekanligimni aytdim va bugun buni isbotini ko‘rsatdim. Pakьyaoga juda hurmat bilan qarardim. Biroq men jangda g‘olib bo‘ldim", — deya sportchi ringni tark etdi.
Murod Bahodirov
