Koronavirusga chalingan paralimpiachilarimiz qay tartibda davolanmoqda?
“21 avgust kuni Tokioga keldik. Aeroportdan tushishimiz bilan tibbiy ko‘rikdan o‘tkazildik. Shunda dzyudochi qizimizda ham virusning ayrim simptonlari aniqlandi va karantinga olindi. So‘ng, uning murabbiyi va u bilan muloqotda bo‘lgan yana bir paralimpiachimiz ham karantinga olindi.
Hozirda ular yaponiyalik shifokorlar nazoratida. Mashg‘ulotlardan aslo to‘xtab qolishgani yo‘q. Ular alohida shug‘ullanyapti. Sportchilarimizdan shifokorlar yana bir-ikki kun analiz olishadi. Ularning musobaqada ishtirok etishida hech qanday muammo bo‘lmaydi. Paralimpiadada qatnashayotgan boshqa davlat sportchilari orasida ham Covid-19 bilan kasallanish holatlari aniqlandi.
Vahima qilishga hech qanday hojat yo‘q. Sportchilarimiz ham yaqin kunlarda karantindan chiqishadi. Faqat ular musobaqada ishtirok etish uchun aholida maxsus avtobuslarda borib keladi”, — deydi delegatsiyamiz azosi Malika Murodova.
Eslatib o‘tamiz, avvalroq koronavirusga chalingan sportchimiz bilan yaqin masofada bo‘lgan Nurxon Qurbonova bayroqdorlikdan ozod qilingani haqida xabar berilgandi.
Jamshid Amirov
