“Tokio-2020” Paralimpiya kundaligi
24-avgust kuni Yaponiyaning Tokio shahrida yozgi paralimpiya o‘yinlariga start berildi.
Bugundan sportchilar musobaqadagi dastlabki chiqishlarini boshlashdi. 25 avgust kungi dasturda terma jamoamiz safida 5 nafar sportchimiz musobaqada ishtirok etdi.
Ulardan Muzaffar Tursunxo‘jayev, Islom Aslanov va Shohsanam Toshpo‘latova para suzish bo‘yicha final bosqichida qatnashgan bo‘lsa, Nigoraxon Mirzohidova va Muslima Odilova dastlabki urinishdayoq musobaqa bilan xayrlashdi.
Final bosqichida Islom Aslanov 57.12 natija bilan terma jamoamiz hisobiga dastlabki medalni taqdim etgan bo‘lsa, Muzaffar Tursunxo‘jayev 57.44 bilan beshinchi, Shohsanam Toshpo‘latova esa 1:06.21 bilan to‘rtinchi bo‘lib marraga yetib keldi va paralimpiya o‘yinlarida para cuzishning batterflyay usulida o‘z ishtirokini yakunladi.
Ertaga Muslima Odilovadan tashqari qolgan to‘rtta sportchimiz para suzishning chalqancha usuli bo‘yicha “Tokio-2020” Paralimpiya o‘yinlarida qatnashadi. Toshkent vaqti bilan ertalab soat 06:38 da erkaklar o‘rtasida 100 metrga chalqancha usulda suzish bo‘yicha S13 klassda Muzaffar Tursunxo‘jayev va Islam Aslanov, soat 06:45 da esa ayollar o‘rtasida 100 metrga chalqancha usulda suzish bo‘yicha S13 klassda Shohsanamxon Toshpo‘latova va Nigoraxon Mirzohidova saralash bahsida startga chiqadi.
Jamshid Amirov
