Sharif Halilov – ikki karra Paralimpiya o‘yinlari sovrindori!
Tokio-2020 Paralimpiya o‘yinlarining bugungi kun dasturida delegatsiyamiz navbatdagi medaliga sazovor bo‘ldi. Para-dzyudochimiz Sharif Halilov o‘z nomini sovrindorlar qatoriga yana bir bor yozdirib qo‘ydi.
-100 kg vazn toifasida kurashgan polvonimiz bronza medali uchun kechgan kurashda braziliyalik Antonio da Silvadan ustun kelib, ikkinchi bor Paralimpiya o‘yinlarining medaliga sazovor bo‘lmoqda. Hamyurtimiz bundan avval London-2012 Paralimpiadasida kumush medalga sazovor bo‘lgan edi.
Shu tariqa, delegatsiyamiz medallari soni 12 taga yetmoqda. Jamoamiz hisobida barcha probadagi medallar 4 tadan bo‘lib turibdi.
