Tokio-2020: para dzyudochimiz Shirin Sharipov ham musobaqadagi ishtirokini yakunladi
Hozirgina Yaponiyaning Tokio shahrida davom etayotgan Paralimpiya o‘yinlari dasturidagi para dzyudo bellashuvlarida qatnashayotgan so‘nggi polvonimiz ham o‘zining musobaqadagi ishtirokini yakunladi.
Para dzyudo bo‘yicha eng og‘ir, +100 kg vazn toifasidagi hamyurtimiz Shirin Sharipov bronza medali uchun kechgan bellashuvda ozarbayjonlik raqibi Ilhom Zakiyevga qarshi tatamiga chiqishi kerak edi.
Ammo hamyurtimiz bundan oldingi bosqichda raqibiga nisbatan mumkin bo‘lmagan usulni qo‘llagani uchun musobaqa hakamlari tomonidan diskvalifikatsiya qilindi va g‘alaba ozarbayjon vakiliga berildi.
Shu tariqa para dzyudo musobaqalari o‘z yakuniga yetdi va bugun bahslarda qatnashgan uch nafar polvonimizdan atigi bittasi yakunda sovrindorlar safidan joy oldi.
