Shevchenkoning Ukraina terma jamoasidan ketishi haqidagi “mish-mish”larga oydinlik kiritildi
Ukraina terma jamoasining sobiq bosh murabbiyi Andrey Shevchenko jamoadan ketganidan so‘ng, yangi shartnoma borasida taklif olmagani haqida aytgandi.
Biroq Ukraina futbol assotsiatsiasi Shevaning so‘zlarini inkor etuvchi hujjatni eʼlon qildi.
«Buyuk futbol dasturi» efirida namoyish etilgan hujjatda aytilishicha, UFA “Yevro-2020” bahslaridan so‘ng iyun oyida terma jamoa murabbiylar shtabi bilan uchrashishga qaror qilgan. Qolaversa, Andreyning 3 avgust kuni tugashi kerak bo‘lgan shartonmasini 2022 yil 30 dekabrgacha uzaytirish bo‘yicha muzokaralar olib borilishi ko‘zda tutilgandi.
Maʼlumot uchun, Shevchenko Ukraina terma jamoasida 5 yil faoliyat yuritdi. U 2016 yilda bosh murabbiy etib tayinlangan va 52 uchrashuvda jamoani boshqargan. 2020 yilgi Yevropa chempionatida Sheva murabbiyligidagi Ukraina chorak finalga qadar yetib borib, tarixdagi eng yaxshi natijani qayd etdi.
Eslatib o‘tamiz, avvalroq Rikelmening Messining kelajagi borasidagi fikrlari haqida xabar bergandik.
Maqsadjon Obidjonov
