Ronald Kuman: “Barsa”da Lyuk de Yong kabi futbolchining bo‘lishi imkoniyatlarimizni yana-da oshiradi”
“Barselona” klubi bosh murabbiyi Ronald Kuman “Sevillia”dan sotib olingan hamyurti haqida fikr bildirdi.
“Lyukning jamoaga kelishi tasodifan bo‘lgani yo‘q. Uni sotib olish rejasi avgust oyi boshidan beri ko‘rib chiqilayotgan edi. Men jamoamizda biznikidan farq qiluvchi hujumchi bo‘lishini xohlardim va de Yongni yaxshi bilganim uchun uni safimizga qo‘shib olishni taklif qildim.
“Barselona”dek buyuk jamoada Lyuk de Yong kabi futbolchi bo‘lmasligi mumkin emas. Chunki u bizning imkoniyatlarimizni yana-da kengaytiradi. Jarima zarbalari va burchak to‘plarida, ayniqsa, bosh bilan juda ham yaxshi o‘ynaydi. Bu transferdan mamnunman”, - deydi “ko‘k-anorranglilar” bosh murabbiyi.
Maʼlumot uchun, 31 yoshli niderlandiyalik futbolchi 2019 yildan buyon “Sevilliya” jamoasida to‘p surgan. U 94 ta o‘yinda maydonga tushib 19 ta gol urgan va 5 ta golga hammualliflik qilgan.
Eslatib o‘tamiz, avvalroq Xaviyer Tebasning messi haqidagi fikrlarfini taqdim etgandik.
Maqsadjon Obidjonov
