Ramos “PSJ” uchun noto‘g‘ri tanlov – Jerom Roten
“PSJ” klubining sobiq futbolchisi Jerom Roten Serxio Ramos transferini tanqid qildi.
“Mushaklarning sinishi dahshatli holat, chunki u kamdan kam holatda to‘g‘ri tiklanadi. Jamoa o‘yinlar va mashg‘ulotlarda tezlikni oshirganda o‘yinchi pand berib qo‘yishi mumkin.
Qolaversa, futbolchi maʼlum bir yoshga yetganidan so‘ng chiroyli o‘yin ko‘rsatishi uchun yaxshi formada bo‘lishi, tinimsiz mashq qilishi kerak. Ramosning avalgi darajasiga qaytishi yoki qaytmasligi haqida bir narsa deya olmayman, lekin bunga shubham bor.
Bugungi kunda Marquinhos va Kimpembe Ramosdan ko‘ra yaxshiroq sport formasiga ega. Bu ikki futbolchidan ko‘p narsa talab qilinadi va ular buni uddalashadi. Ramos esa yon-atrof va maydonni avalgidek his qila olmasligi mumkin.
Shu bois men Ramosni “PSJ” uchun noto‘g‘ri tanlov deb bilaman”, — deydi Roten.
Maʼlumot uchun: «Real Madrid» afsonasiga aylangan Ramos shu yilning 8 iyul kuni “PSJ”ga erkin agent sifatida o‘tdi. Shartnoma 2023- yilga qadar imzolangan.
Eslatib o‘tamiz, bundan avval Sulsherning Ronaldu haqidagi fikrlarini bergan edik.
Maqsadjon Obidjonov
