Bugun Yevropa chempionlar ligasiga start beriladi
Unda birinchi tur o‘yinlarining dastlabki uchrashuvlari o‘tkaziladi. Xususan, Toshkent vaqti bilan 00:00 da “Barselona” – “Bavariya” jamoalari o‘rtasida turning eng qiziqarli o‘yini bo‘lib o‘tadi.
Shuningdek, Angliyaning «Manchester Yunayted» klubi Shveysariyaning «Yang Boyz» jamoasi mehmoni bo‘ladi. O‘tgan mavsum Chempionlar ligasi g‘olibi «Chelsi» klubi esa uyida Rossiyaning «Zenit» jamoasini qabul qiladi. Shuningdek, bugun quyidagi jamoalar dastlabki uchrashuvlarini o‘tkazadi:
«Sevilya» — «Zalsburg»
«Malmyo» — «Yuventus»
«Vilyarreal» — «Atalanta»
«Dinamo K» — «Benfika»
«Lill» — «Volfsburg».
Eslatib o‘tamiz, Chempionlar ligasi birinchi turidan o‘rin olgan bahslar ertaga ham davom etadi.
Avvalroq «Real Madrid» klubi «Santiago Bernabeu»ga qaytishini beshta gol bilan nishonlagani haqida xabar bergan edik.
Jamshidbek Amirov
