Paralimpiya o‘yinlari chempioniga Andijondan 2 xonali uy berildi
Andijon shahridagi Zahiriddin Muhammad Bobur nomli maydonda “Tokio-2020” yozgi Paralimpiya o‘yinlari ishtirokchilari va g‘olibini taqdirlashga bag‘ishlangan tadbir o‘tkazildi.
Tadbirda Andijon viloyati hokimi Shuhratbek Abdurahmonov ishtirok etdi.
Viloyat hokimi Prezidentimiz farmoniga asosan «O‘zbekiston iftixori» faxriy unvoni bilan taqdirlangan, paralimpiya chempioni va rekordchisi Boburjon Omonovga Andijon shahridagi 16 qavatli yangi uydan 2 xonali kvartira sovg‘a qildi.
Eslatib o‘tamiz, para yengil atletika musobaqasining F41 klassida yadro uloqtirish bahslarida qatnashgan Boburjon Omonov 14,06 metr natija qayd etib, chempionlikni qo‘lga kiritdi. Shu bilan birga, yadro uloqtirish bo‘yicha paralimpiya rekordini yangiladi.
Maʼlumot o‘rnida: Andijon viloyatidan “Tokio-2020” paralimpiya o‘yinlariga 6 nafar sportchi yo‘llanma olgan edi.
Avvalroq MDH o‘yinlarida sportchilarimiz 91 ta medal bilan umumjamoa hisobida ikkinchi o‘rinni qo‘lga kiritgani haqida xabar bergan edik.
Jamshidbek Amirov
