Roberto Moreno: “Dunyoning eng yaxshi futbolchisi faoliyatini sevimli klubida yakunlamasligi achinarli”
Yaqin kunlarda “Granada” jamoasi “La Liga” doirasida Kataloniyaning “Barselona” klubi bilan maydonga tushadi.
Granadaliklar bosh murabbiyi Roberto Moreno bo‘lajak o‘yin borasidagi fikrlari bilan o‘rtoqlashdi.
Morenoning aytishicha, kataloniyaliklar Lionel Messisiz endi avvalgidek qo‘rqinchli emas. Bundan tashqari, murabbiy argentinalik futbolchining ketganidan afsusda ekanini ta‘kidladi: “Dunyoning eng yaxshi futbolchisi faoliyatini sevimli klubida tugatmasligi achinarli. Afsuski, bu haqiqat. Shuni ham qo‘shimcha qilish kerakki, klub manfaatlari har qanday futbolchidan ustun”,— deydi Roberto.
Ma‘lumot uchun: Roberto Moreno muayyan muddat Lionel Messi bilan ham birga ishlagan. U Luis Enrike “ko‘k-anorranglilar”ni boshqargan davrda bosh murabbiy yordamchisi bo‘lgan.
Eslatib o‘tamiz, bundan avval Pelening yana jonlantirish bo‘limiga yotqizilgani haqida xabar bergan edik.
Maqsadjon Obidjonov
