"UzAuto Motors" "Spark" va "Lacetti" avtomobillarini vaqtincha ishlab chiqarish to‘xtatilganligi haqidagi ma'lumotni tasdiqladi
So’nggi paytlarda ba'zi OAV vakillari o'z kanallarida 2021 yilning avgust oyida "Chevrolet Spark" avtomobili ishlab chiqarilmagani haqida xabar berishmoqda. Bu ma'lumotlar haqiqatga to’g’ri keladi va Respublika Davlat statistika qo'mitasi ma'lumotlari asosida tasdiqlangan.
Ushbu ommabop avtomobil modellari ishlab chiqarilishining vaqtincha to'xtab qolishining sababi nimada?
“UzAuto Motors” boshqaruv va ishlab chiqarishning bosqichma-bosqich transformatsiyasini amalga oshirdi. Uning doirasida yagona platformadagi avtomobillarni ishlab chiqarishga o'tish rejalashtirilgan. Birinchi bosqichda "Chevrolet Tracker" va "Chevrolet Onix" avtomobil modellari bo'ladi.
Kelgusida "Tracker" va "Onix" modellarini ishlab chiqarishni o'zlashtirishga imkon beradigan rejalashtirilgan o'rnatish va ishga tushirish ishlari joriy yil iyul oyining o'rtalaridan avgust oyining oxirigacha amalga oshirildi.
Ushbu keng ko'lamli modernizatsiya ishlari avtomobil ishlab chiqarilishi uchun muhim bo’lgan yarimo'tkazgichlarning global tanqisligi fonida sodir bo'ldi. Yuqoridagi omillar sabab "Chevrolet Lacetti" va "Chevrolet Spark" modellarini ishlab chiqarish vaqtincha to'xtatilgan edi.
“UzAuto Motors” kompaniyasi tez orada ushbu avtomobil modellarni qayta ishlab chiqarishni yo’lga qo’yadi.
