Qashqadaryolik talaba harbiy bokschilar o‘rtasidagi jahon chempionatida oltin medalni qo‘lga kiritdi
Joriy yilning 18-25 sentyabr kunlari Moskva shahrida bo‘lib o‘tgan harbiy bokschilar o‘rtasidagi jahon chempionatida o‘zbekistonlik sportchilar 7 ta (3 ta oltin 1 ta kumush va 3 ta bronza) medalini qo‘lga kiritdi.
Qayd etilishicha, Qarshi davlat universiteti jismoniy madaniyat fakulteti talabasi Mavluda Mavlonova -75 kg vaznda jahon chempionati finalida Belarus vakilasi Viktoriya Kebikovaga qarshi jang qildi va kata ustunlik bilan g‘alaba qozondi.
Maʼlumot uchun, Mavluda Mavlonova shu yil may oyida BAAning Dubay shahrida boks bo‘yicha o‘tkazilgan Osiyo chempionatida kumush medalga sazovor bo‘lgan edi.
Bundan avval harbiy bokschilar o‘rtasidagi jahon chempionati natijalari eʼlon qilingandi.
Cho‘lponoy Ahmedova
