Tavsiyanoma asosida 2 ming 30 nafar xotin-qiz davlat granti asosida talabalikka qabul qilindi

 

 

Unda aytilishicha, tavsiyanoma olish uchun talabgor bo‘lgan “Temir daftar”, “Ayollar daftari”ga kiritilgan oilalarning qiz farzandlari hamda “Yoshlar daftari”ga kiritilgan oilalarda yashovchi jami 30 ming 69 nafar xotin-qizlardan arizalar  qabul qilingan.

 

Ushbu arizalar tuman (shahar) mahalla va oilani qo‘llab-quvvatlash bo‘limlarida tegishli tashkilotlardan iborat Ishchi guruhlar tomonidan o‘rganib chiqildi hamda Mahalla va oilani qo‘llab-quvvatlash vazirligi tomonidan respublikamiz bo‘yicha 23 ming 685 nafar xotin-qizlarga  tavsiyanomalar berildi. Shular qatorida o‘qishga kirgan xotin-qizlar 2 ming 30 nafarni tashkil etgan. Xususan, ular respublika kesimida quyidagicha ko‘rinishda bo‘ldi:

 

Qoraqalpog‘iston Respublikasi — 114 ta;

Andijon viloyati — 184 ta;

Buxoro viloyati — 112 ta;

Jizzax viloyati — 86 ta;

Qashqadaryo viloyati — 199 ta;

Navoiy viloyati — 60 ta;

Namangan viloyati — 168 ta;

Samarqand viloyati — 227 ta;

Surxondaryo viloyati —158 ta;

Sirdaryo viloyati — 50 ta;

Toshkent viloyati — 179 ta;

Farg‘ona viloyati — 223 ta;

Xorazm viloyati — 114 ta;

Toshkent shahri — 156 ta.

 

Bundan avval imtiyozga ega abituriyentlar to‘g‘risidagi maʼlumotlar eʼlon qilingani, imtihonlarsiz o‘qishga kirish bo‘yicha imtiyozga ega abituriyentlar qo‘shimcha davlat granti asosida o‘qishga qabul qilingani hamda Bandlik va mehnat munosabatlari vazirligi ajratayotgan subsidiya kimlarga berilishi haqida xabar berilgandi.

 

 

Olamgir Abdiyev