Ta’lim va ilm-fan yagona boshqaruv tizimida: yangi model nimalarni o‘zgartiradi?
Ta’lim va ilm-fanni boshqarish bo‘yicha yangi islohotlar xalqaro tajribaga asoslanmoqda.
Rivojlangan davlatlarning ko‘pchiligida ta’limning asosiy bosqichlari bitta boshqaruv tizimi doirasida muvofiqlashtiriladi.
Bunday boshqaruv modeli AQSh, Angliya, Avstraliya, Koreya, Latviya, Litva, Niderlandiya, Chexiya, Norvegiya, Finlyandiya, Xitoy, Yaponiya va boshqa rivojlangan mamlakatlarda ham qo‘llanadi. Bu ta’lim siyosatini umumiy yondashuv asosida samarali amalga oshirish imkonini taqdim etadi.
Ta’lim siyosatining asosiy yo‘nalishlarini birlashtirilgan boshqaruv tizimi doirasida muvofiqlashtirish insonning ta’lim olishi va rivojlanishini uzviy jarayon sifatida tashkil etishga xizmat qiladi. Shu bilan birga, oliy ta’lim muassasalari mustaqilligini kengaytirish muhim tamoyil hisoblanadi.
E’tiborli tomoni, davlatimizning oliy ta’lim muassasalari faoliyatiga aralashuvini qisqartirish, ularga kengroq mustaqillik berish hamda nodavlat sektor imkoniyatlarini kengaytirishni ko‘zda tutmoqda. Dunyo tajribasida erkin raqobat va bozor munosabatlaridagi shartlar ta’lim sifatini oshirishga muhim turtki beradi.
