Xalqaro Paralimpiya qo‘mitasi prezidenti O‘zbekistonga keldi
Xalqaro Paralimpiya qo‘mitasi prezidenti Endryu Parsons O‘zbekiston Milliy paralimpiya qo‘mitasi taklifiga binoan yurtimizga keldi.
Mehmon O‘zbekiston Milliy paralimpiya qo‘mitasi, Turizm va sport vazirligi, Milliy Olimpiya qo‘mitasi va ommaviy axborot vositalari xodimlari ishtirokida tantanali kutib olindi. Endryu Parsons O‘zbekistonga ilk tashrifidan mamnun ekanini bildirdi.
Xalqaro Paralimpiya qo‘mitasi prezidenti yurtimizda 2-oktabrga qadar bo‘ladi. Uning bu tashrifi, albatta, bejiz emas. Chunki malakatimiz paralimpiyachilaridan iborat jamoamiz shu yil Tokioda bo‘lib o‘tgan Paralimpiya o‘yinlarida 8 ta oltin, 5 ta kumush va 6 ta bronza jami 19 ta medal qo‘lga kiritgan holda 168 ta mamlakat vakillari qatnashgan dunyoning yirik sport anjumanida umumjamoa hisobida 16-o‘rinni egaladi. Martabali mehmon yurtimizda Paralimpiya harakatini yana-da rivojlantirish borasida bir qator rasmiy uchrashuvlar o‘tkazishi belgilangan.
Avalroq Olimpiya va Paralimpiya o‘yinlari sovrindorlariga Samarqanddan uy berilgani va Olimpiyada sovrindori davlat tomonidan sovg'a qilingan “BMW X3” mashinasini sotgani haqida xabar berilgandi.
Jamshidbek Amirov
