Samarqandda kuyov qaynakasini o‘ldirib qo‘ydi
Bosh prokuratura huzuridagi Majburiy ijro byurosining Samarqand viloyati Kattaqo‘rg‘on tumanida erkak yarashishni taklif qilgan ayoli va qaynog‘asini pichoqladi.
Maʼlum bo‘lishicha, Kattaqo‘rg‘on tumanlararo sudining hal qiluv qaroriga asosan qarzdor A.B. qaramog‘idagi ikki nafar farzandini turmush o‘rtog‘i Z.B. tarbiyasiga olib berish belgilangan. Javobgar A.B. 28-sentabr kuni davlat ijrochisi F.B.ga bir necha marta qo‘ng‘iroq qilib, bolalarni turmush o‘rtog‘i — daʼvogar Z.B.ga ixtiyoriy ravishda topshirishi va u bilan yarashishga qaror qilganini bildirib, xonadoniga davlat ijrochilari hamda turmush o‘rtog‘ini taklif qilgan.
Manzilga davlat ijrochilari hamda Z.B. yetib kelgach, qarzdor A.B. u bilan birga yashashni taklif qilgan, lekin Z.B. bu taklifni rad etadi. Shunda A.B. janjal ko‘tarib, xonadonidan oshxona pichog‘ini olib chiqib, Z.B.ning chap son va o‘ng qovurg‘a sohalariga tan jarohati yetkazadi. Shundan so‘ng A.B. janjal vaqtida, tinchlantirishga harakat qilgan Z.B.ning akasi T.N.ga ham pichoq sanchadi. Z.B. va T.N. zudlik bilan Kattaqo‘rg‘on shahar tibbiyot birlashmasiga olib borilib, ularga tez tibbiy yordam ko‘rsatiladi. Lekin T.N.ga og‘ir tan jarohati yetkazilgani uchun vafot etadi.
Mazkur holat yuzasidan Kattaqo‘rg‘on shahar prokuraturasi tomonidan Jinoyat kodeksining 97-moddasi bilan jinoyat ishi qo‘zg‘atilib, A.B gumonlanuvchi tariqasida qo‘lga olingan.
Avvalroq Navoiyda qaynota kuyovini pichoqlab o‘ldirib qo‘ygani hamda Toshkentda dzyudochi Kamoliddin Rasulov boshqa sportchi tomonidan pichoqlab o‘ldirilgani haqida xabar qilingandi. Shuningdek, Jizzaxda aka o‘z akasini, qayniuka kelinoyisini pichoqlab o‘ldirgani va Navoiyda mast fuqaro tanishini o‘ldirib qo‘ygandi.
Cho‘lponoy Ahmedova
