Namanganda ayolga kuch ishlatgan shaxs prokuratura xodimi ekanligi aytilmoqda
Bugungi kunda ayrim mansabdor shaxslar tomonidan qonun buzilish holatlari kuzatilmoqda. Nafaqat qonun buzilishi balki, oddiy fuqarolarga nisbatan qo‘pol muomalada bo‘lish, o‘zi egallab turgan lavozimini suisteʼmol qilish holatlari ham uchrab turibdi.
Muxbir Daliyev kanalida eʼlon qilingan videomurojaatda Namanganda bir shaxsning ayol kishiga nisbatan kuch ishlatgan tasvirlari aks etgan. Muallif ayolga kuch ishlatgan erkak prokuratura xodimi ekani aytilyotganini bildirdi.
Ushbu holat yuzasidan O‘zbekiston Respublikasi Bosh prokuraturasi matbuot xizmati rahbari Hayot Shamsutdinov bayonot berdi.
Videoxabarda ko‘rsatilgan holat Bosh prokuratura tomonidan o‘rganib chiqilmoqda.
Cho‘lponoy Ahmedova
